Viðskipti erlent

Time Warner leggur fram 190 milljarða tilboð í MGM

Time Warner mun leggja fram tilboð upp á 1,5 milljarða dollara eða 190 milljarða kr. í kvikmyndafyrirtækið MGM í dag. Þetta hefur BusinessWeek eftir ónafngreindum heimildum. Ein verðmætasta eign MGM er rétturinn til að gera James Bond kvikmyndirnar.

MGM var á sínum tíma, milli 1930 og 1950, stærsta og öflugasta kvikmyndafyrirtæki heimsins. Frá áttunda áratugnum hefur það hinsvegar farið í gegnum mörg eigendaskipti, endurskipulagningar og yfirtökur. Aðalleikararnir í þeirri dramtík voru fjárfestirinn Kirk Kerkorian og fjölmiðlakóngurinn Ted Turner.

Fyrir utan hinn verðmæta rétt að James Bond situr MGM á einu stærsta safni af kvikmyndum í Hollywood en það telur samtals 4.100 kvikmyndir.

Sam stendur vinnur Warner Bros, dótturfélag Time Warner, að gerð myndarinnar The Hobbit eftir sögu J.R.R. Tolkien, í samvinnu við MGM.

MGM glímir við mikið skuldavandamál í dag og hefur ekki getað staðið við afborganir af skuldum upp á samtals 3,7 milljarða dollara.





Mest lesið


Fleiri fréttir

Sjá meira


×

Mest lesið