Pandev: Nú er gaman

Framherjinn Goran Pandev segist njóta lífsins í botn eftir að hann kom til Inter frá Lazio.

Hann fékk orðið lítið að spila hjá Lazio en það heur ekki haft áhrif á frammistöðu hans með Inter þar sem Pandev hefur skorað þrjú mörk í fimm leikjum.

„Ég er búinn að gleyma öllu þessu leiðinlega. Mér líður svo vel hjá Inter að ég gæti allt eins hafa verið hér í langan tíma. Ég er að spila á ný og skemmti mér konunglega. Nú er gaman og það er Inter að þakka," sagði Pandev brosmildur.