Milan Stefán: Ætlum að byggja á góðum leik á móti KR

Milan Stefán Jankovic stýrir Grindvíkingum í kvöld, líkt og í undanförnum leikjum og þeim næstu, þar sem Ólafur Örn Bjarnason er enn í Noregi. Milan segir alla í Grindavík gera sér grein fyrir mikilvægi leiksins gegn Selfossi í kvöld.

"Þetta er gríðarlega mikilvægur leikur, það vita það allir. Við erum allir tilbúnir í slaginn," sagði Milan Stefán.

"Við spiluðum vel gegn KR og ætlum að byggja á þeim góða leik núna," bætti þjálfarinn við.

Leikurinn í kvöld hefst klukkan 19.15 og verður í beinni útsendingu á Boltavakt Vísis og Fréttablaðsins eins og allir aðrir leikir umferðarinnar.