Sást til Hiddink á Ítalíu

Orðrómarnir um að Guus Hiddink væri á leið til Juventus fengu byr undir báða vængi í dag er sást til Hiddink á flugvelli ásamt forráðamönnum Juve.

Fyrir aðeins nokkrum dögum síðan sagði umboðsmaður Hiddink að þjálfarinn væri í fríi í Afríku. Hann væri ekki á leið til Juventus og gæti tæplega skrifað undir samning við ljónin í Afríku.

Umbinn virðist ekki alveg hafa sagt allan sannleikann þar.

Það er búið að vera heitt undir Ciro Ferrara, þjálfara Juve, lengi og kæmi það engum á óvart ef honum yrði skipt út.