Benitez vill fá Kuyt og Afellay

Rafa Benitez, þjálfari Inter, er á fullu að undirbúa kaup i janúar. Efstir á óskalista hans eru Hollendingarnir Dirk Kuyt og Ibrahim Afellay, leikmaður PSV, sem og Gareth Bale hjá Spurs.

Kuyt var alltaf í miklu uppáhaldi hjá Benitez er hann stýrði Liverpool og Kuyt hefur ítrekað verið orðaður við Inter síðan Benitez fór þangað.

Afellay hefur verið að slá í gegn upp á síðkastið og skoraði tvö mörk fyrir Holland gegn Svíþjóð.

Hann á eitt ár eftir af samningi sínum við PSV og mun því væntanlega yfirgefa félagið fljótlega.