Lággjaldaflugfélagið EasyJet hyggst fara í hópmálsókn til þess að fá bætur vegna flugbanns sem flugmálayfirvöld í Evrópu lögðu á í apríl og maí vegna eldgossins í Eyjafjallajökli. EasyJet á í viðræðum við önnur flugfélög um að taka þátt í málsókninni gegn flugmálayfirvöldum. Þetta kemur fram í frétt Timesonline.
Forstjóri EasyJet segir að flugbannið var vegna náttúruhamfara og að engin ástæða sé til þess að flugfélögin þurfi að ein að bera fjárhagsskaðann sem hlaust af, sér í lagi því síðar kom í ljós að það þurfti ekki að banna flugumferð á jafn stóru svæði og gert var.
Flestir evrópskir flugvellir voru lokaðir í um viku frá 15. apríl vegna ösku frá eldgosinu, segir í fréttinni. EasyJet þurfti að aflýsa 6.512 flugum og lækkaði hagnaðarspá sína fyrir árið í ár í 100 milljón pund úr 150 milljónum.
British Airways hefur sagt það hafi tapað um 100 milljónum punda vegna gosins, sem er um 19 milljarðar króna.
