Allegri er nýr þjálfari AC Milan

AC Milan er búið að ráða nýjan þjálfara en félagið tilkynnti í dag að samið hafi verið við Massimiliano Allegri til tveggja ára. Allegri verður kynntur til leiks á blaðamannafundi á næstu dögum.

Allegri kemur frá Cagliari og hann tekur allt sitt aðstoðarfólk þaðan með yfir til Mílanó.

Ráðningin á Allegri kemur mörgum á óvart enda ekki beint þekktasta nafnið í bransanum og mun stærri nöfn voru orðuð við starfið.

Milan er aftur á móti að spara og þetta gæti verið fyrsta skrefið í þá átt.