Blikastúlkur steinlágu í Frakklandi

Kvennalið Breiðabliks er úr leik í Meistaradeild Evrópu eftir stórt tap, 6-0, gegn franska liðinu Juvisy Essone í kvöld.

Juvisy vinnur rimmuna 9-0 samanlagt en fyrri leikurinn á Íslandi endaði með 0-3 sigri franska liðsins.

Blikastúlkur stóðu sig ágætlega framan af og voru aðeins 1-0 undir í hálfleik.

Á 56. mínútu fór síðan að halla undan fæti er franska liðið skoraði þrjú mörk á aðeins fimm mínútna kafla.

Leikmenn Juvisy létu þó ekki þar við sitja og skoruðu tvö mörk til viðbótar áður en leikurinn var allur.