Fjórði hver Dani vinnur í hlutastarfi

Fjallað er um málið í Politiken. Þar er haft eftir Henrik Lund lektor og sérfræðing í atvinnumálum við háskólann í Hróarskeldu að ein af orsökum þessa sé aukið álag á vinnustöðum landsins. „Samtímis því að álagið hefur aukist eru vaxandi kröfur um að maður skuli vera að allan tímann," segir Lund. „Og allan tíman er atvinnurekandinn að mæla, vega og meta afköstin."

Lund segir að önnur höfuðástæðan fyrir þessari þróun sé sú að í Danmörku reyni atvinnurekendur að skera niður á öllum sviðum þar sem slíkt er hægt.

Inger Stöjberg vinnumálaráðherra Danmerkur er ekki hrifin af þessari þróun. Hún vill gera það meira aðlaðandi að vera í fullri vinnu. „Hvati til vinnu þarf að vera til staðar. Annars eykst ekki styrkur okkar í framtíðinni," segir ráðherrann.