Krugman: Grikkir verða að yfirgefa evruna

„Ég verð æ sannfærðari um að Grikkland muni á endanum yfirgefa myntbandalagið um evruna," segir Krugman í grein sem birt er í blaðinu New York Times í dag.

Krugman telur að áður en til þessa komi muni Grikkland lenda í gjaldþroti þ.e. þurfi að setja greiðslustopp á afborganir af skuldum sínum. Hann telur að þótt ESB og AGS geti komið í gegn endurskipulagningu og afskriftum á skuldum Grikkja muni aðalvandamál landsins eftir sem áður verða óleyst og að það kosti verulegar sparnaðaraðgerðir.

Krugman segist vel vita af því að næstum ómögulegt sé að ræða opinskátt um brottför Grikkja úr evrusamstarfinu. Slíkt myndi hafa í för með sér gríðarlegt álag á bankakerfi Evrópu og víðar.

„Þótt þessar spurningar sé ómögulegt að ræða um opinberlega þýðir það ekki að þær séu ómögulegar," segir Krugman sem telur að staða Grikklands sé sú sama og staða Argentínu árið 2001 þegar það land varð gjaldþrota.

„Ég von að í dýpstu innviðum evrópska seðlabankans ECB og í gríska fjármálaráðuneytinu séu menn byrjaðir að hugsa um hið ómögulega. Sú útgáfa af kreppunni verður æ áltilegri en aðrir kostir," segir Krugman.