Formúlu 1 bíll rúntaði við Big Ben

Ástralinn Mark Webber og liðsmenn Red Bull tóku daginn snemma í morgun og voru með uppákomu við ráðhús Breta og Big Ben í miðborg London um sex leytið. Breski kappaksturinn á Silverstone er um næstu helgi og þetta var liður í léttum leik fyrir þá keppni. Red Bull mönnum virðist hafa þótt við hæfi að taka rúntinn við þinghús Breta á Parliment Square. Webber ók bílnum og síðan voru æfð dekkjaskipti, auk þess sem sjónvarpsupptaka var af viðburðinum. Webber lenti í óhappi í síðustu keppni þegar bíll hans tókst á loft og lenti harkalega, en hann er klár í slaginn fyrir Silverstone brautina, þar sem Red Bull náði tveimur fyrstu sætunum í fyrra. Sebastian Vettel vann og Webber varð í öðru sæti.