Einar Andri: Mættum ekki tilbúnir í leikinn

Einar Andri Einarsson, aðstoðarþjálfari FH, var að vonum ekki nógu ánægður eftir fyrsta tap FH í vetur en FH tapaði gegn HK í Digranesinu i dag.

"Við vorum ekki einbeittir og spiluðum ekki vel saman. Við reyndar mættum frábæru HK-liði hér í dag þar sem Ólafur Bjarki var illviðráðanlegur," sagði Einar Andri í viðtali við Rúv eftir leikinn.

"Við vorum einfaldlega ekki tilbúnir í dag og spiluðum ekki eins vel og í síðustu leikjum. Við vissum samt alltaf að við myndum tapa einhverjum leikjum í vetur."