Ribery vill spila með Barcelona

Mark van Bommel, fyrirliði Bayern München og liðsfélagi Franck Riberi, segir að sá síðarnefndi vilji spila með Barcelona í framtíðinni.

Liðin mætast í síðari viðureign þeirra í fjórðungsúrslitum Meistaradeildarinnar annað kvöld en Börsungar unnu fyrri leikinn, 4-0.

„Franck sagði mér að hann vilji spila með Barcelona. Hann er besti leikmaðurinn í Þýskalandi og hans leikstíll myndi henta Barcelona vel. Hann er sterkur og býr yfir mikilli tækni," sagði Van Bommel í samtali við spænska útvarpsstöð.