Gengi hlutabréfa í Century Aluminum, móðurfélagi Norðuráls, féll um 4,55 prósent í Kauphöllinni í dag. Á eftir fylgdi gengi bréfa í Færeyjabanka, sem lækkaði um 1,77 prósent og Marel Food Systems, sem lækkaði um 1,28 prósent.
Á sama tíma hækkaði gengi bréfa í Bakkavör um 2,59 prósent, Straums um 1,49 prósent og Össurar um 0,51 prósent.
Úrvalsvísitalan (OMXI15) lækkaði um 0,49 prósent og endaði í 329 stigum.
