Atli: Best að svara inni á vellinum

„Líkt og í tapinu gegn Val þá var varnarleikurinn frábær og markvarslan náttúrulega stórkostleg en núna fylgdu hraðaupphlaupin með og við fengum nokkur auðveld mörk.

Ég er því mjög ánægður með þennan sigur. Við áttum ekki nógu góðan leik gegn Val og það er náttúrulega best að sýna það bara inni á vellinum í næsta leik hvernig þetta á að vera," sagði Atli Hilmarsson, þjálfari Stjörnunnar í leikslok eftir 21-26 sigur liðs síns gegn Fram.

„Þetta verða mjög jafnir leikir á milli þessarra liða sem er spáð efstu sætunum. Ég er því mjög ánægður með að vinna fimm marka sigur á útivelli. Þetta eru sigurvegarar í þessu Stjörnuliði og tímabilið leggst mjög vel í mig," sagði Atli.