Stuttgart búið að reka Markus Babbel

Markus Babbel var í dag rekinn frá þýska úrvalsdeildarliðinu Stuttgart en liðið hefur ekki unnið í síðustu átta leikjum sínum. Babbel sem er fyrrum leikmaður Bayern Munchen og Liverpool, hefur verið þjálfari Stuttgart síðan í nóvember 2008.

Mörg hundruð óánægðra stuðningsmanna Stuttgart mótmæltu fyrir framan höfuðstöðvar félagsins í gær eftir að liðið náði aðeins 1-1 jafntefli á móti tíu manna liði Bochum.

Stuttgart er eins og er í 16. sæti deildarinnar en liðið varð í 3. sæti á síðasta tímabili og meistari árið 2007.