Forsvarsmenn breska bankans, Lloyds TSB sem tapaði fjórum milljörðum punda á fyrstu sex mánuðum ársins, segja að afskriftum vegna lána sem fallið hafa í vanskil muni snarfækka á næstu mánuðum. Bankinn afskrifaði lán fyrir 13,4 milljarða punda á tímabilinu sem er met þar í landi.
Sérfræðingar höfðu spáð því að afskritir bankans, að mestu leyti vegna fyrirtækjalána og fasteignalána til einstaklinga, myndu nema 11,3 milljörðum punda.
Afskriftirnar voru því 18,6% meiri en spár höfðu gert ráð fyrir.
Breska ríkisstjórnin bjargaði bankanum frá gjaldþroti í september síðastliðnum með því að leggja bankanum til 17 milljarða punda.
Um 80% af afskriftum lána Lloyds á þessu hálfa ári má rekja til yfirtöku bankans á HBOS í september.
Fyrr í sumar fjallaði Vísir um fjöldauppsagnir hjá Lloyds bankanum sem sjá má hér að neðan.
Afskriftir lána námu 13,4 milljörðum punda
Tengdar fréttir
Uppsagnir hjá Lloyds TSB stefna í 8,200 það sem af er ári
Breski bankinn, Lloyds TSB, hyggst segja upp 1,200 starfsmönnum á næstunni. Uppsagnirnar gera það að verkum að um 8,200 manns hafa misst atvinnu sína hjá bankanum á árinu.
Gríðarlegt tap hjá Lloyds
Breski bankinn Lloyds, sem er að hluta í eigu breska ríkisins, tapaði fjórum milljörðum punda á fyrstu sex mánuðum ársins.
