Ítalski boltinn: AC Milan komið upp í annað sæti

AC Milan vann 4-3 sigur gegn Cagliari á San Siro-leikvanginum í dag en staðan var 3-2 í hálfleik.

Clarence Seedorf, Marco Boriello, Alexander Pato og Ronaldinho skoraði fyrir AC Milan í leiknum en Alessandro Matri, Andrea Lazzari og Nene skoruðu mörk gestanna.

AC Milan komst upp í annað sæti deildarinnar með sigrinum en Juventus getur endurheimtað annað sætið þegar liðið tekur á móti Udinese í kvöld.

Þá vann Roma góðan 3-1 sigur gegn Bari þar sem Francesco Totti skoraði þrennu.

Ekki gekk jafn vel hjá grönnum Roma í Lazio sem urðu að sætta sig við 0-0 jafntefli gegn Napoli en Lazio er í 15. sæti deildarinnar.

Úrslitin í dag:

AC Milan-Cagliari 4-3

Livorno-Genoa 2-1

Napoli-Lazio 0-0

Palermo-Catania 1-1

Roma-Bari 3-1

Sampdoria-Chievo 2-1

Siena-Atalanta 0-2