Víti Hönnu í leikslok tryggði Haukum stig

Hanna Guðrún Stefánsdóttir tryggði Haukunm 30-30 jafntefli á móti Val í N1 deild kvenna í handbolta á Ásvöllum í dag. Þetta var tíunda mark Hönnu í leiknum en hún skoraði það úr vítakasti í lok leiksins.

Haukar eru áfram efstir í deildinni með 32 stig en Stjarnan náði að minnka forskotið um eitt stig með því að vinna 27-23 sigur á Fram í Mýrinni. Nú munar tveimur stigum á liðunum þegar þrjár umferðir eru eftir. Alina Petrache skoraði 9 stig fyrir Stjörnuna í dag.

FH vann 30-23 útisigur á Gróttu fyrr í dag.

Haukar-Valur 30-30 (17-15)

Mörk Hauka: Hanna Guðrún Stefánsdóttir 10, Ramune Pekarskyte 8, Nína Björk Arnfinnsdóttir 6, Nína Kristín Björnsdóttir 4, Erna Þráinsdóttir 1, Ester Óskarsdóttir 1.

Mörk Vals: Eva Barna 8, Hrafnhildur Skúladóttir 8, Hildigunnur Einarsdóttir 7, Drífa Skúladóttir 2, Dagný Skúladóttir 2, Íris Ásta Pétursdóttir 2, Kristín Guðmundsdóttir 1.

Stjarnan-Fram 27-23 (13-12)

Mörk Stjörnunnar: Alina Petrache 9, Sólveig Lára Kjærnested 6, Harpa Sif Eyjólfsdóttir 4, Elísabet Gunnarsdóttir 4, Kristín Jóhanna Clausen 2, Esther Viktoría Ragnarsdóttir 1, Unnur Ýr Viðarsdóttir 1.

Mörk Fram: Stella Sigurðardóttir 7, Anett Köbli 7, Pavla Nevratilova 3, Hildur Knútsdóttir 2, Þórey Rósa Stefánsdóttir 1, Sara Sigurðardóttir 1, Ásta Birna Gunnarsdóttir 1, Guðrún Þóra Hálfdánardóttir 1.