Tottenham á eftir Eto´o

Spænska blaðið Marca fullyrðir að Tottenham hafi gert Barcelona formlega fyrirspurn í framherjann Samuel Eto´o og hefur fengið þau svör að hann sé falur fyrir 35 milljónir evra.

Búist er við því að eitthvað af lykilmönnum Barcelona verði seldir í sumar og forráðamenn Tottenham munu ætla að reyna að fá til sín sterka leikmenn til að keppa um Meistaradeildarsæti á næstu leiktíð.

Félagið hefur þegar fengið til sín Luka Mordric, en áhugi Lundúnafélagsins á Eto´o þykir renna stoðum undir kenningar um að Dimitar Berbatov muni fara frá Tottenham í sumar.