Spor eftir úlf á Suður-Jótlandi

Tveir danskir sérfræðingar segja vel mögulegt að fótspor eftir stóra skepnu á Suður-Jótlandi, séu eftir úlf.

Síðasti úlfurinn sem skotinn var í Danmörku féll árið1813, eftir því sem best er vitað. Það voru hjón á gangi í skóglendi á jörð sinni í gær sem rákust á sporin.

Sérfræðingarnar segja að sporin séu ekki eftir fullvaxinn úlf heldur yngra dýr. Það geti ágætlega passað þar sem ungir úlfar flakki mikið um.

Þeir fari iðulega 60 kílómetra á dag, eða meira. Úlfar hafa sést í Þýskalandi um 70 kílómetra frá dönsku landamærunum.

Það er því alls ekki ólíklegt að nú reiki úlfur um Suður-Jótland.