Raðnauðgari á leigubíl

Lögreglan í Lundúnum hefur handtekið mann sem grunaður er um að hafa raðnauðgað konum sem hann plataði upp í leigubíl sinni.

Ekki er vitað á þessu stigi hvort maðurinn er alvöru leigubílstjóri. Fimm konur hafa lagt fram kæru vegna nauðgunar, en lögregluna grunar að margar fleiri hafi orðið fyrir barðinu á honum.

Maðurinn sat um konur sem voru að koma einar út af veitingastöðum. Þegar þær voru komnar í bílinn hjá honum sagðist hann hafa unnið stórvinning í lottó og bað þær um að halda uppá það með sér.

Hann gaf þeim kampavín sem hann hafði bætt einhverri ólyfjan útí.

Þegar þær voru orðnar varnarlausar margnauðgaði hann þeim. Þegar hann hafði loks lokið sér af keyrði hann konurnar heim.

Þær fimm sem hafa gefið sig fram eru á aldrinum 17 til 33 ára. Maðurinn sjálfur er sagður á fertugsaldri.