Jarðarför Fischers

Blessunarlega var ekki blásið til þjóðhátátíðar í beinni útsendingu vegna útfarar Bobby Fischers. Hann var jarðsettur í kyrrþey við austurbakka Ölfusár í gærmorgun að viðstaddri hálfri tylft manna.

Svona átti þetta að vera.

Svona var Bobby.

Svona kom hann okkur á óvart í síðasta sinn.

Sérlundaður einfari.

Garðar Sverrisson, nánasti vinur skáksnillingsins á síðustu árum hans, lék síðustu fléttuna af trygglyndi og smekkvísi. Endataflið var fumlaust.

Það hvílir einhver angurværð og friður yfir þessum endalokum.

Þannig átti það að vera.

Og þannig var það ...

-SER.