Konan metin á 40 milljónir

Samkvæmt lögum í Missisippi, í Bandaríkjunum, er konan eign eiginmannsins.

Því var milljónamæringurinn Jerry F. Fitch Sr. dæmdur til þess að greiða verkamanninum Johnny Valentine fjörutíu milljónir króna í bætur fyrir að forfæra konu hans.

Johnny og Sandra Valentine höfðu verið gift í fjögur ár þegar Sandra fór að vinna fyrir Fitch Sr.

Þegar Sandra varð ófrísk var Johnny fljótur að reikna út að hann væri ekki faðirinn. Það var sannað með DNA prófi og Johnny dró Fitch Sr. fyrir dómstóla.

Og vann. Því eins og þeir segja í Missisippi; "Þú skalt ekki girnast konu nágranna þíns. Né annan búfénað hans."