Fritzl lík­lega á­kærður fyrir þræla­hald

Hinn austurríski Josef Fritzl, sem hélt dóttur sinni fanginni í kjallara í meira en 24 ár og misnotaði hana kynferðislega gæti átt yfir höfði sér ákæru fyrir þrælahald. Þetta hefur fréttastofa Breska ríkisúvarpsins, BBC, eftir saksóknurum í Austurríki.

Samkvæmt slíkri ákæru gæti Fritzl fengið 20 ára fangelsisdóm. Fritzl hefur viðurkennt að hafa getið sjö börn með dóttur sinni, Elisabeth, sem er nú 42 ára gömul. Hún og börn þeirra eru nú í meðferð á geðspítala.