Valur skellti toppliðinu

Kvennalið Vals er ekki á því að detta úr leik í baráttunni um Íslandsmeistaratitilinn í handbolta og vann í kvöld öruggan útisigur á toppliði Fram 22-16 í Framhúsinu.

Fram hefði með sigri verið komið með aðra höndina á bikarinn en þær rauðklæddu mættu grimmar til leiks í kvöld og höfðu yfir 13-9 í hálfleik.

Fram er á toppi deildarinnar með 39 stig eftir 23 leiki, Valur í öðru með 36 stig eftir 22 leiki og Stjarnan í þriðja með 35 stig eftir 21 leik.

Nánari umfjöllun um leikinn kemur hér á Vísi í fyrramálið.