Magic grét af gleði þegar Obama náði kjöri

Körfuboltagoðsögnin Magic Johnson sagðist hafa verið í mikilli geðshræringu allan daginn eftir að ljóst varð að Barack Obama yrði næsti forseti Bandaríkjanna.

Obama er fyrsti þeldökki forseti Bandaríkjanna og Johnson sagðist ekki hafa átt von á því að það gerðist á meðan hann lifði.

"Ég hoppaði um og hrópaði af gleði og svo fór ég að gráta. Bandaríkjamenn af afrískum ættum hafa náð langt að undanförnu. Þetta segir mér að maður geti orðið hvað sem maður vill í þessu lífi. Það var yndislegt að verða vitni að þessu," sagði Johnson.

"Obama er maður sem hrífur fólk með sér. Hann er með áætlun og er einn klárasti maður sem ég hef kynnst," sagði Johnson.