Heimsins stórasta handboltalið! Þráinn Bertelsson skrifar 25. ágúst 2008 08:00 Ef góður hjarta- eða heilaspesíalisti hefði tekið línurit af þjóðinni nokkur síðustu ár - og sömuleiðis undanfarna daga - væru til vísindalegar mælingar á því hvernig heil þjóð hefur sveiflast milli þeirrar bjartsýni, spennu, gleði og vonbrigða sem í öðru tilvikinu skildu eftir sig svartsýni - en bjartsýni í hið seinna skipti. Langa línuritið sýnir „góðærið", peninga, lausamuni og fasteignir sem strákar á jakkafötum nýskriðnir út úr skóla töfruðu fram og létu rigna yfir höfuð sér meðan þjóðin stóð höggdofa og fylgdist með drengjunum og upplifði A) BJARTSÝNI - kannski verð ég líka svona heppinn/duglegur. B) SPENNU - skyldi þetta vera varanlegt eða hrynja eins og spilaborg? C) GLEÐI - höfum gaman af þessu svo lengi sem þetta varir; eitthvað af þessari velgengni hlýtur að leka niður til mín einhvern tímann. D) VONBRIGÐI - þegar spilaborgin hrundi eins og menn höfðu alltaf innst inni óttast. Þetta var of gott til að geta verið satt. E) SVARTSÝNI - það er alltaf verið að hafa mann að fífli af ábyrgðarlausum eiginhagsmunaseggjum. Skammtímalínuritið yfir undanfarna daga sýnir stórkostlegan framgang annarra stráka, að þessu sinni ekki á jakkafötum heldur stuttbuxum, við keppni á Ólympíuleikjum í Kína í handknattleik. Línuritið sýnir sama ferli, stórkostlegar sveiflur upp og niður og titrandi og andvaka spennu og væntingar. Skammtímamælingin greinir sig þó frá langtímarannsókninni á hugarástandi þjóðarinnar, því að hún skilur eftir sig BJARTSÝNI en ekki SVARTSÝNI. Það er hugsanlega vegna þess að öllum fannst að þeir hefðu fengið að taka þátt í handboltaævintýrinu stuttbuxnastrákanna í Beijing og finna strax eftir vonbrigðin að þeir eru ekki verr settir á eftir en undan - heldur þvert á móti. Í staðinn fyrir að sitja uppi með botnlausa skuldahít sitja menn uppi með gljáandi silfur. Svona gætu vísindin sýnt að velgengni til lengri eða skemmri tíma byggist fyrst og fremst á hugarfari, samstöðu og sigurvilja en ekki á því hvernig menn ganga klæddir til verka. Stuttbuxur eða jakkaföt skipta ekki máli. Húrra fyrir heimsins stórasta handboltaliði! Takk fyrir ánægjuna! Viltu birta grein á Vísi? Sendu okkur póst. Senda grein Þráinn Bertelsson Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Íslenskir flóttamenn - í okkar eigin landi Gunnar Magnús Diego Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Magga Stína! Helga Völundardóttir Skoðun Transumræðan og ruglið um fjölda kynja Einar Steingrímsson Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Ef góður hjarta- eða heilaspesíalisti hefði tekið línurit af þjóðinni nokkur síðustu ár - og sömuleiðis undanfarna daga - væru til vísindalegar mælingar á því hvernig heil þjóð hefur sveiflast milli þeirrar bjartsýni, spennu, gleði og vonbrigða sem í öðru tilvikinu skildu eftir sig svartsýni - en bjartsýni í hið seinna skipti. Langa línuritið sýnir „góðærið", peninga, lausamuni og fasteignir sem strákar á jakkafötum nýskriðnir út úr skóla töfruðu fram og létu rigna yfir höfuð sér meðan þjóðin stóð höggdofa og fylgdist með drengjunum og upplifði A) BJARTSÝNI - kannski verð ég líka svona heppinn/duglegur. B) SPENNU - skyldi þetta vera varanlegt eða hrynja eins og spilaborg? C) GLEÐI - höfum gaman af þessu svo lengi sem þetta varir; eitthvað af þessari velgengni hlýtur að leka niður til mín einhvern tímann. D) VONBRIGÐI - þegar spilaborgin hrundi eins og menn höfðu alltaf innst inni óttast. Þetta var of gott til að geta verið satt. E) SVARTSÝNI - það er alltaf verið að hafa mann að fífli af ábyrgðarlausum eiginhagsmunaseggjum. Skammtímalínuritið yfir undanfarna daga sýnir stórkostlegan framgang annarra stráka, að þessu sinni ekki á jakkafötum heldur stuttbuxum, við keppni á Ólympíuleikjum í Kína í handknattleik. Línuritið sýnir sama ferli, stórkostlegar sveiflur upp og niður og titrandi og andvaka spennu og væntingar. Skammtímamælingin greinir sig þó frá langtímarannsókninni á hugarástandi þjóðarinnar, því að hún skilur eftir sig BJARTSÝNI en ekki SVARTSÝNI. Það er hugsanlega vegna þess að öllum fannst að þeir hefðu fengið að taka þátt í handboltaævintýrinu stuttbuxnastrákanna í Beijing og finna strax eftir vonbrigðin að þeir eru ekki verr settir á eftir en undan - heldur þvert á móti. Í staðinn fyrir að sitja uppi með botnlausa skuldahít sitja menn uppi með gljáandi silfur. Svona gætu vísindin sýnt að velgengni til lengri eða skemmri tíma byggist fyrst og fremst á hugarfari, samstöðu og sigurvilja en ekki á því hvernig menn ganga klæddir til verka. Stuttbuxur eða jakkaföt skipta ekki máli. Húrra fyrir heimsins stórasta handboltaliði! Takk fyrir ánægjuna!
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun