Erfitt að sjá svertingja í myrkri

Þáttastjórnandi hjá BBC lenti í súpunni í vikunni þegar hún var að tala um umferðaröryggi. Sara Kennedy var að tala um umferðaröryggi og sagði frá því að minnstu hefði munað að hún keyrði á svartan vegfaranda sem var svartklæddur. "Það var eins gott að hann opnaði munninn til þess að geispa eða eitthvað, svo ég sá hann."

Kennedy ráðlagði svo svertingjum að klæðast einhverri hvítri flík ef þeir væru á ferð að næturlagi. Útaf þessu urðu heilmikil læti og Kennedy fékk tiltal frá yfirmönnum sínum.

Ýmsir urðu þó til þess að bera blak af henni. Þar á meðal svart fólk, sem sagði að það væri einfaldlega staðreynd að svartklæddir svertingjar sæjust verr í myrkri en hvítingjarnir.

Líklega hefðu lætin út af þessu orðið eitthvað minni ef ekki hefðu verið rifjuð upp ummæli Söru Kennedy frá árinu 2000, þegar hún sagði að svertingjar væru góðir hlauparar vegna þess að þeir væru svo vanir að forða sér undan ljónum.

Sarah Kennedy er 57 ára gömul og hefur stjórnað morguntónlistarþætti hjá BBC í þrjá áratugi.