Samkeppnin ekki grimm

Framkvæmdastjóri FÍB blæs á þá skýringu að grimm samkeppni skýri lakari afkomu olíufélaganna. Hann segir álagningu olíufélaganna á eldsneyti hafa hækkað síðastliðin tvö ár, og snarhækkað á dísilolíu.

Eins og fram kom í fréttum okkar í gær herma heimildir fréttastofu að afkoma stóru olíufélaganna þriggja sé mun lakari á fyrri hluta þessa árs en árin þar á undan. Það sama á við um afkomu síðustu tveggja ára hjá Atlantsolíu. Framkvæmdastjóri Atlantsolíu sagði í gær virkari samkeppni vera skýringuna á lakara gengi félaganna. Aðrir stjórnendur olíufélaganna sem fréttastofa ræddi við í gær tóku undir þetta og segja slegist um viðskiptavini. Framkvæmdastjóri Félags íslenskra bifreiðaeigenda gefur ekki mikið fyrir þessa skýringu og segir viðskiptavini að minnsta kosti ekki hafa notið hagstæðara verðlags.