Erlent

Gíslar talibana eru lítt reyndir kristniboðar

Óli Tynes skrifar
Trúboðarnir voru glaðbeittir áður en þeir lögðu af stað til Afganistans.
Trúboðarnir voru glaðbeittir áður en þeir lögðu af stað til Afganistans. MYND/AP

Suður-Kóreska fólkið sem er í gíslingu hjá talibönum í Afganistan tilheyrir ekki neinni hjálparstofnun. Þau eru kornungir reynslulausir trúboðar frá einni stærstu fríkirkju í Suður-Kóreu. Tilgangurinn með förinni var að kristna talibana. Talibanar hafa þegar myrt tvö þeirra.

Fríkirkjurnar í Suður-Kóreu eru þekktar fyrir ákafa sem jaðrar við ofstæki í trúboði sínu erlendis. Presturinn í viðkomandi kirkju Park-Euon-jo lét allar aðvaranir sem vind um eyru þjóta þegar hann sendi hópinn af stað.

Þegar komið var til Kabúl voru aðvaranir suður-kóreska sendiráðsins sömuleiðis látnar sem vind um eyru þjóta. Hópurinn tók sér lúxusrútu á leigu og ók sem leið lá inn á yfirráðasvæði talibana. Japanska sjónvarpið hefur birt myndir af því þegar fólkið fór inn í yfirgefið bænahús múslima og söng þar kristna sálma. Svo komu talibanar.

Óvíst er hvort nokkurt þeirra sleppur lifandi úr þessum kristniboðsleiðangri.

Erlent

Mest lesið


Fleiri fréttir

Sjá meira


×

Mest lesið