Hvalfjarðargöngum lokað tvisvar í gærkvöldi

Hvalfjarðargöngum var tvisvar lokað í gærkvöldi, í hálftíma í senn, þar sem samfelld bílaröð hafði myndast þaðan og inn í Mosfellsbæ, og gekk hægt. Teppan myndaðist vegna þriggja bíla áreksturs á mótum Vesturlandsvegar og Þingvallavegar um klukkan sex í gærkvöldi. Engin slasaðist þar alvarlega, en eignatjón var mikið.

Umferð gekk fremur hægt en örugglega eftir Suðurlandsveginum og þar urðu engin slys eða óhöpp. Ekki fór að draga úr umferðarþunganum fyrr en á ellefta tímanum í gærkvöldi.