Reiður múgur ræðst á hermenn í Kashmir-héraði

Hundruðir reiðra íbúa í Kashmir-héraði neyddu tvo indverska hermenn til að afklæðast, rökuðu svo höfuð þeirra og lömdu þá. Ástæðan er sú að hermennirnir eru taldir hafa ætlað að nauðga 17 ára stúlku úr bænum Kunan. Lögreglan rannsakar málið, sem átti sér stað seint í gærkvöldi.

„Tveir hermenn í borgaralegum klæðum komu heim og heimtuðu mat og skjól, þeir báðu mömmu um að fara og reyndu því næst að nauðga mér," sagði stúlkan. „„Ég öskraði og streyttist á móti þar til nágrannar mínir komu og björguðu mér."

Upp úr þessu réðst reiður múgurinn að mönnunum. „Lögreglan skaut aðvörunarskotum til að stöðva múginn og bjargaði hermönnunum," sagði lögreglumaður í bænum.

Talsmaður hersins neitaði ásökunum um að hermennirnir hafi reynt að nauðga stúlkunni. „Þetta er á engum grunni byggt, ásökunum er dreift með því markmiði að koma höggi á herinn," sagði talsmaðurinn.