Lúmskir lyklaþjófar

Hafa talibanar fundið nýja leið til þess að berjast gegn hernámsliðinu ? Talsmaður pólska varnarmálaráðuneytisins segir að 1200 manna pólsk hersveit sem send var til Afganistans geti ekki hafið eftirlitsstörf fyrr en eftir nokkrar vikur. Ástæðan er sú að það er búið að stela bíllyklunum þeirra.

Pólsku hermennirnir eiga að hafa eftirlit í fjallendi á landamærum Afganistans og Pakistans. Til þess þurfa þeir bæði jeppa og hertrukka. Talsmaður varnarmálaráðuneytisins segir að það þurfi að láta smíða nýja bíllykla og senda þá til Afganistans. Það geti tekið einhverjar vikur.