Komið í veg fyrir árás á JFK

Lögregla í Bandaríkjunum handtók í dag fjóra einstaklinga sem ætluðu sér að gera hryðjuverkaárás á John F. Kennedy flugvöll í New York. Einn er í Bandaríkjunum en þrír eru í haldi erlendis. WNBC skýrir frá þessu á heimasíðu sinni í dag.

Samkvæmt fregnum ætluðu mennirnir sér að sprengja upp eldsneytislagnir á flugvellinum og það átti að leiða til risasprengingar á honum. Lögreglan sagði að hugsanlega ætti fyrrum flugvallarstarfsmaður aðild að málinu. Fréttamannafundur verður haldinn um málið klukkan sex í kvöld að íslenskum tíma.