Jón segir ekki af sér

Jón Sigurðsson formaður Framsóknarflokksins ætlar ekki að segja af sér formennsku að eigin frumkvæði, þrátt fyrir mikið fylgistap. Hann segir að frekara stjórnarsamstarf sé á valdi Geirs Haarde, forsætisráðherra.

Í fréttum Stöðvar 2 sagði hann það eðlilegt lýðræðislegt viðbragð af hálfu flokksins að draga sig til hliðar fari stjórnarmyndunarviðræður í gang. „Skilaboð kjósenda eru að mínu mati mjög skýr." Hann sagði það flokksmanna að ákveða hvort hann sitji áfram sem formaður flokksins.