N4 ætlar að leita réttar síns vegna N1

N4, norðlenskt fjölmiðlafyrirtæki, kannar nú réttarstöðu sína vegna nafns og firmamerkis N1. Í fréttatilkynningu frá N4 segir að nafn og firmamerki N1 sé sláandi líkt merki og nafni N4 og að líkindin geti ruglað neytendur. Þar að auki muni N4 brátt hefja dreifingar á N4 sjónvarpi á landsvísu og því sé ljóst að firmamerkin verði afar áberandi um allt land.

„Það er afar ósvífið af þeim að koma fram og kynna merki sem líkist okkar svo mikið auk þess sem það hljómar líkt í framburði. Við teljum þetta siðlaust og ætlum að leita réttar okkar í málinu" segir Steinþór Ólafsson stjórnarformaður N4.

Hægt er að sjá tilkynninguna í heild sinni hér að neðan.