Tveir handteknir fyrir innbrot á Ísafirði

Tveir karlmenn um tvítugt voru handteknir á Ísafirði fyrir að hafa brotist inn í heimahús í nótt. Að sögn lögreglu ætluðu þeir að gera upp mál við einn íbúa hússins.

Þeir spörkuðu upp útidyrahurðinni og voru með barefli. Móðir íbúans tók á móti þeim, náði að hrekja þá út og og hringdi á lögreglu. Annar þeirra var yfirheyrður í nótt og sleppt að því loknu. Hinn var mikið ölvaður og látinnn sofa úr sér. Hann verður yfirheyrður í dag. Þá komu tvö fíkniefnamál upp í nótt á rokkhátíðinni Aldrei fór ég suður en annars fór hátíðin vel fram að öðru leyti.