DiCaprio með Knúti litla á Vatnajökli

Leikarinn heimsfægi Leonardo Di Caprio var hér á landi á dögunum til þess að láta taka forsíðumynd af sér fyrir sérstakt hefti tímaritsins Vanity Fair, um umhverfismál. Myndin var tekin á Vatnajökli. Og á þessari forsíðumynd heldur leikarinn á ísbjarnarhúninum Knúti, sem hefur heillað heimsbyggðina upp úr skónum, en Knútur á heima í dýragarði í Þýskalandi.

Ekki var þú Knútur litli í föruneyti DiCaprios, heldur tók ljósmyndarinn Anne Liebovitz mynd af honum í dýragarðinum í Berlín og henni var svo skeytt inn í myndina af leikaranum á Vatnajökli. Á fréttavef breska sjónvarpsins BBC, er skýrt frá því að aðsókn að dýragarðinum hafi tvöfaldast eftir að Knútur kom í heiminn.

Sjáið fleiri myndir úr myndatökunni á vefsíðu Vanity Fair