Jimmy Somerville á Hinsegin dögum

Tónlistarmaðurinn Jimmy Somerville kemur fram á Hinsegin dögum 11. og 12. ágúst næstkomandi. Jimmi er líklega þekktastur fyrir lögin Smalltown Boy og Don´t Leave Me This Way.

Hann náði hátindi frægðar sinnar á níunda áratugnum með hljómsveitunum Bronski Beat og The Communards. Síðan hefur Jimmy átt farsælan sólóferil.

Jimmy sem er frá Glasgow naut virðingar meðal samkynjneigðra fyrir að fela aldrei kynhneigð sína og koma fram á eigin forsendum.

Hann hefur leikið í nokkrum kvikmyndum. Meðal annars í Orlando árið 1992 og Looking for Langston árið 1998 auk þess að koma fram í sjónvarpsþáttunum Lexx.