Benedikt Guðmundsson þjálfari KR var að vonum ekki sáttur við niðurstöðuna í kvöld þegar hans menn lágu fyrir ÍR í fyrsta leik liðanna í 8-liða úrslitum Iceland Express deildarinnar. Hann sagði sóknarleikinn hafa fellt sína menn í kvöld.
"Ég er mjög ánægður með varnarleikinn í kvöld en sóknarleikurinn hjá okkur var auðvitað alls ekki nógu góður - sérstaklega í síðari hálfleik. Það var bara ekkert að fara niður hjá okkur, sama hvort það voru langskot eða vítaskot og það er ljóst að við verðum að gera betur í sóknarleiknum," sagði Benedikt Guðmundsson í samtali við Arnar Björnsson á Sýn í kvöld. Hann var loks spurður hvernig sér litist á það verkefni að sækja sigur í Breiðholtið á laugardaginn.
"Við ætluðum að vinna annan leikinn hvort sem var, þannig að við verðum bara að mæta þeim aftur hérna á mánudag eða þriðjudag," sagði Benedikt.
