Tölvuþrjótar skrefi á undan

Ný tegund glæpamanna ryður sér til rúms. Þeir gera skipulagðar, fágaðar og arðbærar árásir á netnotendur. Þeir nota tegund hugbúnaðar sem kallast „malware" eða spilliforrit. Þannig plata þeir fólk til gefa sér upplýsingar eða stela þeim án þess að tekið sé eftir.

Helgina 24. og 25. febrúar hittust sérfræðingar í tölvuöryggi á ráðstefnu Bandarísku samtakanna sem vinna að framgangi vísindanna (the American Association for the Advancement of Science). Þar ræddu þeir þessa ógn sem nú ríður yfir internetheiminn.

Spilliforritið getur komist inn á tölvuna þína með mörgum mismunandi leiðum. Ein leiðin kallast „phishing", þá berst tölvupóstur með viðhengi sem segist vera frá bankanum þínum, heitar myndir af frægu fólki eða myndskeið. Í raun er þetta spilliforritið sem hleður sig inn á tölvuna þegar viðhengin eru opnuð.

Það sem spilliforritið getur gert er að grípa öll notendanöfn og lykilorð sem slegin eru inn í tölvunni. Hann getur stolið gögnum úr MSN og tölvupósti þegar þau eru send. Jafnvel getur búnaðurinn skellt upp spegilmynd af vefsíðu sem notandinn er að skoða og tekið niður allar upplýsingar sem þar eru slegnar inn.

„Þetta er búið að vera að læðast upp að okkur, nú er ógnin orðin svo mikil að tæknifólk sem veit af þessu þarf að gera almenningi viðvart um það sem getur farið úrskeiðis," segir Markus Jakobsson úr Indiana Háskólanum í Bloomington.

Vírusvarnarforrit geta gert gagn en hinsvegar eru spilliforritin í svo örri þróun að það er mjög erfitt eyða ógninni alveg. Þrjótarnir eru einu skrefi á undan.

Hvað geta þá almennir tölvu- og internetnotendur gert til þess að lenda ekki í klónum á illvirkjum og glæpamönnum á netinu. Það er aldrei hægt að eyða ógninni en þó er hægt draga úr möguleikunum á að lenda í þrjótunum. Hér eru nokkrir góðir punktar:

• Farðu varlega í viðhengi og tengla. Ekki opna neitt sem þú átt ekki von á eða ef þú treystir ekki sendandanum.
• Stilltu tölvuna þína þannig að hún uppfæri stýrikerfið sjálfvirkt.
• Ekki nota sama lykilorðið fyrir allar síður á netinu. Reyndu að koma þér upp kerfi sem er einfalt. Notaðu hástafi ásamt lágstöfum og sérstöfum í lykilorðum.
• Vertu viss um að þú vitir hvað þú ert að sækja þegar þú hleður niður fríum hugbúnaði.

Frekari upplýsingar um spilliforrit og öryggi á internetinu er að finna á http://www.antiphishing.org/