Setti frúna nakta á netið

Ítalskri konu var brugðið, í gær, þegar hún frétti af því að eiginmaður hennar hafði árum saman sett myndir af henni á internetið, bæði þar sem hún var í baðherberginu, og eins þegar þau nutu ásta í svefnherbergi sínu. Það var ítalska lögreglan sem lét hana vita af þessu. Maðurinn kveðst ekki hafa vitað að þetta væri ólöglegt.

Lögreglan var að leita á barnaníðingum á netinu þegar hún rakst á myndirnar af hjónunum. Lögreglumönnunum þótti grunsamleg hvað konan var eðlileg á öllum myndunum, hún reyndi ekki á neinn hátt að fela eitt eða neitt, hvorki í baðherberginu né í rúminu.

Lögreglumennirnir komust að þeirri niðurstöðu að konan hreinlega gæti ekki vitað að verið var að mynda hana með myndavélunum sem maðurinn hafði komið fyrir. Þeir gátu rakið slóðina og bönkuðu upp á heimilinu sem er í bænum Latina, rétt sunnan við Róm. Þar fengu þeir staðfestingu á því að konan hafði ekkert vitað um uppátækið.