Verkfall vegna Monu Lisu

Verðir í Louvre safninu í París ætla í verkfall. Þeir krefjast hærri launa vegna álags sem fylgir því að gæta málverksins af Monu Lisu eftir Leonardo da Vinci. Launakröfurnar vegna álagsins hljóða upp á rúmar þrettán þúsund íslenskar krónur á mánuði.

Talsmaður varðanna sagði þá sem gættu málverksins vera undir gífulegu álagi vegna þess fjölda fólks sem vilji taka myndir og bíður í röð eftir að sjá Monu Lisu.

Verðirnir vilja einnig aukagreiðslu fyrir að gæta hinnar fornu grísku styttu Venus de Milo.

Á hverjum sunnudegi skoða að meðaltali 65 þúsund manns verkin.

Einn þriðji varðanna greiddi atkvæði með verkfalli, en þar sem meirihluti var fjarverandi við atkvæðagreiðsluna dugði fjöldinn til að samþykkja aðgerðina.