West Ham undir í hálfleik

Íslendingaliðið West Ham er undir, 1-0, þegar flautað hefur til hálfleiks í viðureign liðsins gegn Watford í ensku bikarkeppninni. Leikurinn fer fram á Upton Park, heimavelli West Ham. Nú þegar flautað hefur verið til hálfleiks í 11 leikjum bikarkeppninnar virðast flest úrvalsdeildarliðin vera á leið í 16-liða úrslit.

Tottenham hefur 1-0 forystu gegn Southend en það var Robbie Keane sem skoraði markið á 12. mínútu. Fulham leiðir 2-0 gegn Stoke á heimavelli og Reading er að vinna Birmingham á útivelli, 2-0. Þá hefur Middlesbrough forystu gegn Bristol City á útivelli, 2-0.