Ekki spurning hvort heldur hvenær

Að sögn Rick Parry, stjórnarformanns Liverpool, er það ekki lengur spurning um hvort heldur hvenær auðkýfingarnir frá Dubai gangi frá kaupum á meirihluta í félaginu. Parry segir að verið að sé að ganga frá smáatriðum í kaupsamningum og að eigendaskiptin gætu gengið í gegn innan fárra daga.

“Við vonumst til að hægt verði að loka þessum samningum fljótlega. Gríðarlega mikil vinna hefur átt sér stað á síðustu vikum og það er frétta að vænta frá okkur á næstunni,” sagði Parry við BBC í morgun.

Parry sagði einnig að það gæti vel farið svo að Liverpool keypti einhverja nýja leikmenn til liðsins í janúar.