Segir brandarann misskilinn

Í áramótaannálnum á Múrnum sem Katrín Jakobsdóttir, varaformaður Vinstri grænna, og fleiri kvitta undir hefur einn brandari örðum fremur farið fyrir brjóstið á fólki.

Þar er bók ársins sögð vera: Minnislausa stúlkan frá Stokkseyri þar sem Margrét Frímannsdóttir heimfærir endurminningar Thelmu Ásdísardóttur upp á sjálfa sig.

Katrín Jakobsdóttir, varaformaður Vinstri grænna, segir grínið hafa átt að beinast gegn bókagagnrýni Jóns Baldvins Hannibaldssonar á bók Margrétar. Þar hafi hann gert lítið úr heimilsofbeldi og þykir henni miður að sá punktur hafi ekki náð í gegn.

Og Katrín segist vona að enginn hafi særst vegna þessa og það sama segir ritstjóri Múrsins á vefritinu í dag þar sem hann skýrir eðli málsins.