Á bestu systur í heimi

Aldur: 27 ára.

Hvíta tjaldið eða leiksviðið? Hvíta leiksviðið.

Hverjum er það að kenna að þú fórst í leiklist? Engum að kenna en ýmsum að þakka.

Besta æskuminningin? Ein góð minning er þegar ég lærði að hjóla án hjálpardekkja á hjóli frænda míns í Hafnarfirði. Hjólið var blátt og það var frekar dimmt úti. Alveg magnað.

Ef ekki leikari hvað þá? Efnaðri.

Sátt við nýju ríkisstjórnina? Er hún virkilega ný? Við sjáum til, en vonandi kemur hún mér skemmtilega á óvart.

Myndir þú koma nakin fram? Já, geri það nánast á hverjum morgni.

Hvers getur þú síst án verið? Mannsins míns, menningar, sólar og íss.

Hefur þú neytt fíkniefna? Nei, nei, nei.

Hvernig bíl áttu? Á ekki bíl.

Hvar kaupirðu fötin þín? Þar sem þau eru til sölu.

Ef þú værir síamstvíburi, hvern vildirðu helst hafa fastan við þig? Systur mína, því hún er best í heimi.

Ef þú værir ein í heiminum, hvað myndirðu gera? Gefast upp. Það er voða erfitt að vera skapandi þegar allt í heiminum er leyfilegt.

Hvað þarf mörg hrísgrjón til að mynda hrúgu? Helling.

Þjóðleikhúsið eða Borgarleikhúsið? Bæði og fleiri til.

Hvernig týpa ertu? Töff… not!