Dansa við lifandi tónlist

Fjórir nemendur Listdansskóla Íslands halda til Turku í Finnlandi í byrjun apríl. Þar munu þeir sýna verk eftir Elli Laukkanen, sem hefur verið gestakennari við skólann frá því í janúar.

„Það hefur verið samstarf á milli Listdansskólans og skólans í Turku í nokkur ár," sagði Lauren Hauser, skólastjóri Listdansskóla Íslands. Kennaraskiptin eru liður í því, og hélt Lauren sjálf til Turku í mánuðinum til að kenna. Henni finnst skiptin afar mikilvæg. „Þau eru mikilvæg upp á fjölbreytni og nýjungar. Eins er mikilvægt fyrir okkar kennara að fá að fara út," sagði hún.

Í verkinu dansa íslensku nemendurnir Ólöf Gunnarsdóttir, Halla Þórðardóttir, Hjördís Gestsdóttir og Hildur Ólafsdóttir. Diina Bukareva, skiptinemandi frá Finnlandi, er einnig í hópnum. Ólöf sagði hópinn vera mjög ánægðan með verkefnið. „Við fáum oft gestakennara uppi í Listdansskóla, sem koma frá útlöndum og eru kannski í viku. En við höfum aldrei unnið svona verkefni áður. Okkur finnst þetta rosalega skemmtilegt og frábært tækifæri til þess að sýna hvað maður getur," sagði hún. Stúlkurnar eru allar að klára þriðja ár í menntaskóla og stefna á útskrift næsta vor. Hópurinn heldur utan 9. apríl, en sýningin er áformuð þann sautjánda. „Við sýnum við lifandi tónlist. Hljómsveitin sem spilar undir er öll í Finnlandi, svo við höfum ekkert æft með henni. Þess vegna þurfum við að mæta svona tímanlega," útskýrði Ólöf. Stúlkurnar hafa ekki dansað við lifandi tónlist áður. „Það verður spennandi að vita hvernig það verður. Tónlistin er þá aldrei eins," sagði Ólöf. Um hljóðfæraleik sjá nemendur í samstarfsskólanum í Turku.

Listdansskólinn kannar nú möguleika á því að verkið verði sýnt hér á landi í haust. „Þá myndum við vilja fá tónlistarnemendur í LHÍ til að flytja tónlistina," sagði Lauren Hauser. Ólöf er jafnframt spennt fyrir hugmyndinni. „Okkur langar rosalega að sýna hér líka. Þetta er mjög stórt verkefni og við erum búnar að æfa þetta lengi. Að dansa það einu sinni er kannski svolítil synd," sagði hún.

Hópurinn heldur utan 9. apríl, en sýningin er áformuð þann sautjánda. „Við sýnum við lifandi tónlist. Hljómsveitin sem spilar undir er öll í Finnlandi, svo við höfum ekkert æft með henni. Þess vegna þurfum við að mæta svona tímanlega," útskýrði Ólöf. Stúlkurnar hafa ekki dansað við lifandi tónlist áður. „Það verður spennandi að vita hvernig það verður. Tónlistin er þá aldrei eins," sagði Ólöf. Um hljóðfæraleik sjá nemendur í samstarfsskólanum í Turku.

Listdansskólinn kannar nú möguleika á því að verkið verði sýnt hér á landi í haust. „Þá myndum við vilja fá tónlistarnemendur í LHÍ til að flytja tónlistina," sagði Lauren Hauser. Ólöf er jafnframt spennt fyrir hugmyndinni. „Okkur langar rosalega að sýna hér líka. Þetta er mjög stórt verkefni og við erum búnar að æfa þetta lengi. Að dansa það einu sinni er kannski svolítil synd," sagði hún.