Cahill snýr aftur sem betri leikmaður

Það styttist óðum í endurkomu Tim Cahill, stjörnuleikmanns Everton, sem hefur verið frá vegna hnémeiðsla í næstum tvo mánuði. Búist er við því að Cahill byrji að spila að nýju í janúar, og segist hann ætla að snúa til baka sem betri leikmaður en áður.

“Ég hef ekki einu sinni dottið í þá gryfju að svekkja mig á þessum meiðslum. Frekar einbeiti ég mér að því jákvæða sem fæst út úr þeim, sem er til dæmis meiri tími með fjölskyldu minni. Þetta er að sjálfsögðu mjög erfitt, en í þessari fjarveru hef ég náð að styrkja mína andlegu hlið og ég er viss um að ég verði betri leikmaður en áður þegar ég byrja að spila á ný,” segir Cahill.